Авторизация
 
 
Регистрация на сайте
Восстановление пароля


Новостные каналы

Item has already been added. Key in dictionary: '

]]>

]]>
Пн Вт Ср Чт Пт Сб Вс
    ' Key being added: '
    ]]>

    ]]>
    Пн Вт Ср Чт Пт Сб Вс
    '


    Skip Navigation LinksTopTJ.com  →  Новости Таджикистана  → 

    Лента новостей

    10.01.200112:12

    Фармони Президенти Ҷумхурии Тоҷикистон

    ФАРМОНИ

    ПРЕЗИДЕНТИ ҶУМҲУРИИ ТОҶИКИСТОН

    Дар бораи тадбирҳои тақвият доданисатҳи ҳифзи иҷтимоии аҳолӣ ва зиёд намудани маоши амалкунандаи вазифавии кормандони муассисаю ташкилотҳои буҷетӣ, андозаи нафақаҳо ва стипендия

    Дар асоси моддаи 103 Кодекси меҳнати Ҷумҳурии Тоҷикистон ва бо мақсади беҳтар намудани вазъи моддии аҳолӣ, тақвият додани нақши ҳавасмандкунии музди меҳнат ва баланд бардоштани сатҳи ҳифзи иҷтимоии аҳолӣ

    ф а р м о нм е д и ҳ а м :

    1. Аз 1 июли соли 2008 музди меҳнати ҳадди ақал дар тамоми соҳаҳои иқтисодиёти ҷумҳурӣ ба андозаи 60 сомонӣ ва нафақаи ҳадди ақал ба андозаи 60 сомонӣ дар як моҳ муқаррар карда шавад.

    2. Аз 1 июли соли 2008:

    - нақшаимузди меҳнати вазифавии хизматчиёни давлатии мақомоти ҳокимияти давлатӣ, мақомоти иҷроияи маҳаллии ҳокимияти давлатӣ, хизматчиёни ҳарбӣ,ҳайати шахсии қаторӣ ва роҳбарикунандаи мақомоти корҳои дохилӣ ва кормандони дигар мақомоти ҳифзи ҳуқуқ, суд, прокуратура ва маош барои рутбаи ҳарбӣ (махсус) мувофиқи замимаҳои№№ 1-43 муқаррар карда шавад;

    - маоши вазифавии кормандони муассисаҳои кўмаки аввалияи тиббию санитарӣ ба андозаи 70 фоиз ва дигар муассисаҳои соҳаи тандурустӣ50 фоиз зиёд карда шавад;

    -маоши вазифавии кормандони соҳаи илм, ҳифзи иҷтимоӣ ва фарҳанг 50 фоиз зиёд карда шавад;

    - маоши вазифавӣ ва ставкаҳои тарифии кормандони дигар муассисаҳо ва ташкилотҳое, ки аз Буҷети давлатӣ маблағгузорӣ мешаванд (ба ғайр аз дар сархатҳои якум, дуюм, сеюми банди 2 ва сархати якуми банди 3 фармони мазкур) ба андозаи 40 фоиз зиёд карда шавад;

    - нафақаҳои меҳнатии нафақахўрон ба андозаи 40 фоизи нафақаи ҳадди ақали муқарраргардида зиёд карда шавад;

    -андозаи ҳадди ниҳоии нафақа ба маблағи 300 сомонӣ дар як моҳ муқаррар карда шавад.

    3. Аз 1 сентябри соли 2008:

    - маоши вазифавии кормандони соҳаи маориф ба андозаи 40 фоиз зиёд карда шавад;

    - маоши вазифавии мудирони муассисаҳои томактабӣ мувофиқан аз шумораи тарбиягирандагон ба маоши вазифавии директорони муассисаҳои таҳсилоти умумӣ баробар карда шавад;

    - маоши вазифавии роҳбарони муассисаҳои таҳсилоти ибтидоии касбӣ ба маоши вазифавии роҳбарони муассисаҳои таҳсилоти умумӣ аз рўи шумораи хонандагон баробар карда шавад;

    - маоши вазифавии директорони муассисаҳои беруназмактабӣ ба маоши вазифавии директорони муассисаҳои таҳсилоти умумии бо шумораи хонандагонашон то 400 нафар баробар карда шавад;

    - музди меҳнати мураббиёни муассисаҳои томактабӣ ва мактаб-интернатҳо, муаллимони муассисаҳои таҳсилоти ибтидоии касбӣ ба музди меҳнати муаллимони муассисаҳои таҳсилоти умумӣ аз рўи тахассус ва таҳсилот баробар карда шавад;

    - андозаи амалкунандаи стипендияҳои Президентӣ, стипендияи аспирантҳо ва стипендияҳои донишҷўёни муассисаҳои таҳсилоти олӣ ва миёнаи касбӣ (ба ғайр аз курсантҳои Донишгоҳҳои олии ҳарбӣ ва Академияи Вазорати корҳои дохилии Ҷумҳурии Тоҷикистон) 40 фоиз зиёд карда шаванд.

    4. Ҳукумати Ҷумҳурии Тоҷикистон:

    - дар мўҳлати ду моҳ ҷиҳати ба фармони мазкур мутобиқ намудани санадҳои қонунгузории Ҷумҳурии Тоҷикистон тадбирҳои зарурӣ андешад;

    - дар мўҳлати як моҳ қарорҳои худро ба фармони мазкур мутобиқ намояд;

    - ҳисобкунии музди миёнаи меҳнат барои пардохти рухсатиҳои меҳнатӣ, кўмакпулӣ дар вақти аз кор рафтан, кўмакпулӣ барои корношоямии муваққатӣ ва дигар ҳолатҳое, ки ба пардохти музди миёнаи меҳнат алоқаманданд (ба ғайр аз нафақа) мувофиқи Қоидаҳои аз 1 июни соли 2007 тасдиқшуда ҳисоб карда шаванд;

    - аз 1 июли соли 2008 оид ба Тартиби муайян намудан ва пардохти музди меҳнати кормандони соҳаҳои илм, ҳифзи иҷтимоӣ, фарҳанг, кишоварзӣ, нақлиёт ва дигар муассисаҳо ва ташкилотҳое, ки аз Буҷети давлатӣ маблағгузорӣ мешаванд, дар доираи фонди музди меҳнати тасдиқшуда чораҳои зарурӣ андешад;

    - аз 1 сентябри соли 2008 нақшаи нави музди меҳнати кормандони муассисаҳои таҳсилоти олии касбиро дар доираи фонди музди меҳнати дар Буҷети давлатӣ пешбинишуда ва маблағҳои махсуси ин муассисаҳо муайян намояд;

    - аз 1 сентябри соли 2008 ба сарбории таълимии амалкунандаи муаллимони муассисаҳои таҳсилоти умумӣ ва ибтидои касбӣ тағйирот ворид намояд.

    Президенти

    Ҷумҳурии Тоҷикистон Эмомалӣ Раҳмон

    ш. Душанбе

    20 июни соли 2008

    № 480

    Источник: ИА "ХОВАР"
    0.0
    - всего оценок (0)
    - ваша оценка


    Новый комментарий
    Автор Сообщение
    Данную новость еще не обсуждали

    Обсуждение в Facebook:




    Главные новости

    06.1210:43Цена нефти марки Brent достигла максимума за 16 месяцев
    06.1209:18Эмомали Рахмон обратится с посланием парламенту Таджикистана до нового года
    06.1208:12«Запасного аэродрома» не будет. О запрете на двойное гражданство
    06.1206:54«Песни Абдула»: таджикский мигрант глазами российского режиссера
    05.1220:22Чего ожидает Душанбе от нового лидера Узбекистана?


    Самое обсуждаемое

    05.1211:34Таджикистан перейдет на 12-летнее образование в 2020 году(3)
    05.1219:14Путин озадачил правительство законом об адаптации мигрантов(1)
    05.1211:31Китайская энергетическая строительная корпорация заинтересована в сотрудничестве с Таджикистаном(1)



    (C) 2001-2016 TopTJ.com

    TopTJ.com - Новости Таджикистана
    00:00:00.0156254