Авторизация
 
 
Регистрация на сайте
Восстановление пароля


Новостные каналы


Skip Navigation LinksTopTJ.com  →  Новости Таджикистана  → 

Лента новостей

24.01.200118:12

Мулокоти Эмомалӣ Раҳмон бо Тсзитсзин Чэн Тсзинхэ

Президенти Ҷумҳурии Тоҷикистон Эмомалӣ Раҳмон Раиси Корпоратсияи кўҳӣ-саноатии Тсзитсзин Чэн Тсзинхэро ба ҳузур пазируфт.

Дар вохўрӣ масоили ҷорӣ ва дурнамои истихроҷи тилло ва дигар маъданҳои кўҳӣ дар конҳои Тарор ва Ҷилави минтақаи Зарафшон баррасӣ шуд.

Чэн Тсзинхэ ба Сарвари давлат Эмомалӣ Раҳмон оид ба корҳои анҷомдодаи корпоратсияи мазкур, ки дар ҷойи собиқ корхонаи муштараки Зарафшон як сол боз ба кор шурўъ намудааст, гузориш дод.

Таъкид гардид, ки дар ин муддат корхона тамоми қарзҳои худро соф намуда, баҳри азнавсозии техникию истеҳсолӣ корҳои зиёд анҷом додааст. Дар натиҷаи ин имрўз корхона аз ҳолати бўҳронӣ баромада, фоидаовар гаштааст.

Ширкати чинии Зиҷинг Майнинг, ки соли гузашта 75% саҳмияҳои корхонаи муштараки Зарафшонро харида, дар заминаи он корпоратсияи кўҳӣ-саноатии Тсзитсзинро таъсис додааст, барои азнавсозии техникию истеҳсолии он дар зарфи як сол беш аз 18 миллион доллари амрикоӣ сармоягузорӣ карда, аз ҷумла қариб 15 адад техникаи вазнини карйерӣ харидорӣ намудааст.

Ҳамчунин зикр гардид, ки корпоратсияи мазкур нақша дорад, ба истихроҷи тилло,нуқра ва мис дар Тоҷикистон беш аз 100 миллион доллари амрикоӣ сармоягузорӣ кунад.

Президенти Ҷумҳурии Тоҷикистон Эмомалӣ Раҳмон бо назардошти таҷрибаи калон ва эътибори ҷаҳонии ширкати Зиҷинг Майнинг изҳори боварӣ намуд, ки дар зарфи ду-се соли оянда истихроҷи металҳои қиматбаҳо дар ин ҷо ба маротиб зиёд мешавад.

Чэн Тсзинхэ Эмомалӣ Раҳмонро бовар кунонд, ки метавонад истихроҷи солонаи тиллоро баъди як сол ба2 тонна ва то соли 2010 ба 3 тонна расонда, истихроҷи нуқра ва мисро низ афзун намояд ва шароити иҷтимоии коргаронро ба сатҳи зарурӣ баланд бардорад.

Ў ҳамчунин иттилоъ дод, ки аз оѓози кори ширкати чинӣ дар ин ҷо вазъи иҷтимоии коргарон низ хеле беҳтар гаштааст. Айни ҳол маоши миёнаи онҳо наздики 600 сомониро ташкил медиҳад. Ѓайр аз ин ба ҳамаи онҳо хўроки гарм ва ҳар моҳ як халтагӣ орд дода мешавад.

Хотиррасон карда шуд, ки Ширкати чинии Зиҷинг Майнинг дар истихроҷ ва коркарди тилло ва дигар маъданҳои кўҳӣ дар Ҷумҳурии Мардумии Чин дар ҷойи аввал қарор дошта, ҳаҷми умумии сармояаш 3,8 миллиард ва саҳмияҳояш 1,6 миллиард доллари амрикоиро ташкил медиҳад.

Қобили таъкид аст, ки тибқи мувофиқаи тарафҳо тамоми металҳои қимматбаҳои истихроҷшаванда барои ѓанӣ гардондани захираи тиллоию асъории давлатии Тоҷикистон аз ҷониби Ҳукумати Ҷумҳурии Тоҷикистон харидорӣ карда мешавад.

Источник: ИА "ХОВАР"
0.0
- всего оценок (0)
- ваша оценка


Новый комментарий
Автор Сообщение
Данную новость еще не обсуждали

Обсуждение в Facebook:




Главные новости

25.0211:55Страдающий от лавин Таджикистан получил 40 тонн гумпомощи из России(2)
25.0209:34Ситуация на горных дорогах Таджикистана, — Минтранс(1)
25.0208:30Президент подписал ряд законов(1)
25.0207:53У американки взорвался iPhone 7 Plus
25.0207:21СМИ ГБАО: Миссия пока невыполнима


Самое обсуждаемое

24.0207:00Ташкент объяснил – почему отказался принять рейс из Душанбе(6)
25.0211:55Страдающий от лавин Таджикистан получил 40 тонн гумпомощи из России(2)
24.0210:15Денежные переводы мигрантов из России равны трети ВВП Таджикистана(2)
25.0211:12Школ мало, детей много: дальше тотальная безграмотность?(1)
24.0213:38Готовы ли Вашингтон и Лондон отказаться от захваченных территорий?(1)
25.0208:30Президент подписал ряд законов(1)
25.0209:34Ситуация на горных дорогах Таджикистана, — Минтранс(1)



(C) 2001-2017 TopTJ.com

TopTJ.com - Новости Таджикистана
00:00:00.0156262