Авторизация
 
 
Регистрация на сайте
Восстановление пароля


Новостные каналы


Skip Navigation LinksTopTJ.com  →  Новости Таджикистана  → 

Лента новостей

27.01.200120:12

Машварати кории назди Президенти Ҷумҳурии Тоҷикистон Эмомалӣ Раҳмон

Президенти Ҷумҳурии Тоҷикистон Эмомалӣ Раҳмон бо масъулини Ҳукумати Ҷумҳурии Тоҷикистон, Дастгоҳи иҷроияи Сарвари давлат, роҳбарони вазорату идораҳои ҷумҳурӣ ва дигар шахсони дахлдор машварати корӣ анҷом дод.

Дар машварат масоили омодагӣ ба ҷаласаи навбатии сарони давлатҳои аъзои Созмони ҳамкории Шанхай, таҷлили солгарди 17-уми истиқлоли давлатии Тоҷикистон, 1150-солагии Абўабдулло Рўдакӣ, Cоли забони тоҷикӣ, рафти татбиқи нишондодҳои муроҷиатномаи Президенти Ҷумҳурии Тоҷикистон ба аъзои Ҳукумат ва мардуми кишвар оид ба таъмини амнияти оуқаворӣ, тезондани ҷамъоварии ҳосили ѓалладона, вусъат додани кишти такрории заминҳои обӣ, ҷамъбасти натиҷаҳои нимсола ва масъалаҳои омодагӣ ба зимистони солҳои 2007-2008 баррасӣ шуд.

Президенти Ҷумҳурии Тоҷикистон Эмомалӣ Раҳмон масоили мазкурро мавриди таҳлилу баррасӣ қарор дода, ба масъулин баҳри ривоҷ додани корҳо ва бартараф намудани камбудиҳои ҷойдошта дастуру супоришҳои қатъӣ дод.

Оид ба ҷамъоварии ҳосили ѓалладона ва гузарондани кишти такрорӣ гузориши Вазири кишоварзӣ ва раисони ноҳияҳои атрофи пойтахт шунида шуд. Зикр гардид, ки то имрўз дар 45 ҳазор гектар кишти такрорӣ гузаронда шуда, дар заминҳои боқимондаи обӣ ин кор муташаккилона идома дорад.

Сарвари давлат Эмомалӣ Раҳмон дастур дод, ки оид ба рафти кишти такрорӣ ҳар ҳафта ба ў ахборот пешниҳод карда шавад.

Оид ба натиҷаҳои нимсолаи фаъолияти хоҷагии халқи кишвар зикр гардид, ки афзоиши ҳаҷми маҷмўи маҳсулоти дохилӣ дар ин давра 5,8 дар садро ташкил дод. Буҷети давлатӣ ба андозаи 117,2 дар сад иҷро шуда, ҳаҷми он ба 1 миллиарду 655 миллион сомонӣ расид, ки ин нисбат ба нақша 243 миллион ва нисбат ба соли гузашта 573 миллион сомонӣ зиёд аст.

Дар мавриди омодагӣ ба зимистон таъкид гардид, ки захиракуниии маводи сўхту озуқаворӣ ва кушодани нуқтаҳои фурўши ангишт ва гази моеъ муташаккилона ба роҳ монда шудааст. То охири сол дар ҳудуди ҷумҳурӣ 25 нерўгоҳи хурди обӣ сохта ба кор дароварда мешавад, ки барои таъмини аҳолии деҳот бо нерўи барқ дар фасли зимистон хеле муҳим аст.

Дар назди роҳбарони вазорату идораҳои дахлдор ва дигар масъулин оид ба таҷлили иду ҷашнҳои номбурда, ки дар ҳаёти фарҳангии кишвар ва тарбияи ҳисси ватандўстию хештаншиносии мардум аҳамияти баѓоят зиёд доранд, вазифаҳои мушаххас гузошта шуд.

Источник: ИА "ХОВАР"
0.0
- всего оценок (0)
- ваша оценка


Новый комментарий
Автор Сообщение
Данную новость еще не обсуждали

Обсуждение в Facebook:




Главные новости

28.0408:17В Душанбе началось строительство таджикско-британской Международной школы
28.0408:08Последнее селфи. Нишона утонула в реке Вахш
28.0407:59Эмомали Рахмон и Рустам Эмомали дали старт строительству нового здания Верховного суда
28.0407:48УГАИ сообщает об ограничении движения автотранспорта в Душанбе
28.0406:53Президент поручил ужесточить наказание в отношении чиновников


Самое обсуждаемое

26.0407:01Экс-сотрудники антикоррупции. «Чистка» продолжается(4)
27.0412:14Таджикская модель покоряет мировой конкурс красоты. Ее устроит только победа(1)
27.0413:16СМИ: В доме Фируза Холмуродова нашли $1 млн. и 6 кг золота(1)



(C) 2001-2017 TopTJ.com

TopTJ.com - Новости Таджикистана
00:00:00.0156235