Авторизация
 
 
Регистрация на сайте
Восстановление пароля


Новостные каналы


Skip Navigation LinksTopTJ.com  →  Новости Таджикистана  → 

Лента новостей

17.05.200810:32

Асосгузори театри андешаи тоҷик

             Душанбе,17 май. (АМИТ «Ховар», Бурҳониддин Каримзода).-Яке аз коргардонҳои машҳури театри тоҷик, Ҳунарпешаи Халқии Тоҷикистон, барандаи ҷоизаи ба номи Рӯдакӣ Хушназар Майбалиев 70 сола шуд. Вай хатмкунандаи Донишкадаи санъати театрии ба номи Луначарскии шаҳри Москва (1964 – 1969) аст. Баъ аз хатми донишкада соли 1969 ба театри академӣ- драммавии ба номи Лоҳутӣ ба кор омад. Аввалин маҳсули кори эҷодиаш, ҳамчун коргардон, песаи драмматурги қирѓиз Мар Бойҷиев «Ҷанги тан ба тан» буд.

-Бо ҳамин намоишнома, ба услуби романтикие, ки дар театри ба номи Лоҳутӣ вуҷуд дошт, тарзи нав, яъне тарзи тафаккур пешниҳод шуд,- гуфт ин хабарро шарҳ дода ба мухбири АМИТ «Ховар» мудири қисми адабии театр Ѓаюр Ашӯров,- Бинобар ин устод Хушназар Майбалиевро мо ҳамчун асосгузори театри андешаи тоҷик меҳисобем.

Майбалиев Х. аслан аз оѓози фаъолияти меҳнатиаш то имрӯз, яъне тӯли қариб 40 сол дар театри ба номи Лоҳутӣ фаъолият намуда, дар ин миён барои таълиму тарбияиҳунарпешагони ҷавон бо Донишкадаи санъати Тоҷикистон ҳамкорӣ дошт. Дар давоми фаъолияти эҷодиаш вай бештар аз 80 асарро ба саҳна гузоштааст. Чунончӣ асарҳои Пьер Корнел «Саид», Жан Ануи «Антигона», Антон Чехов «Ванятаѓо», Гогол «»Муфаттиш», Грибоедов «Дод аз дасти ақл», Ѓанӣ Абдулло «Ҳуррият», «Фарёди ишқ», Мирсаид Миршакар «Корвони бахт» дар таҳияи Майбалиев Х. рӯйи саҳна омаданд. Овардани танҳо як далел кофист, ки аз истеъдоди коргардони моҳир дарак медиҳад, яъне намоишномаи «Фарёди ишқ» қариб 30 сол боз аз саҳна дур намеравад. Шояд дар таърихи театри тоҷик ин ягона асаре мебошад, ки ин қадар тӯлонӣ дар саҳна мондааст. Устод Хушназар Майбалиев солҳои зиёд ҳамчун саркоргардони театри ба номи Лоҳутӣ фаъолият намудааст. Дар ин муддат шӯҳрати театр хеле баланд гардид. Беҳтарин асарҳои ҷаҳонӣ рӯйи саҳнаи ин театри тоҷик омад. Имрӯз ҳам устод дар паҳлӯи шогирдони боистеъоди хеш монда нашуда кор мекунад. Айни ҳол дар таҳияи Майбалиев Х. асари драмнависи чинӣ Тсао Юй «Раъду барқ» омода гаштааст, ки рӯзҳои наздик пешкаши тамошобинон мегардад,- Мо тасмим гирифтаем, ки рӯзи 25 май дар театр ҷашни устоди арҷманд Хушназар Майбалиевро таҷлил намоем,- гуфт дар охир Ѓаюр Ашӯров.

Источник: ИА "ХОВАР"
0.0
- всего оценок (0)
- ваша оценка


Новый комментарий
Автор Сообщение
Данную новость еще не обсуждали

Обсуждение в Facebook:




Главные новости

30.0316:50Представлен новый Samsung Galaxy S8
30.0315:47Путин впервые прокомментировал антикоррупционные митинги
30.0315:00Вопрос с «Ямалом» не решен. Минтранс России допускает применение «побуждающих действий» в отношении Таджикистана
30.0313:50Сотрудник столичной авиакассы осужден на 8 лет за продажу фальшивых авиабилетов
30.0312:12Как Грузия отметила отмену виз в Европу


Самое обсуждаемое

30.0306:32Мэр Душанбе поручил милиции заняться уклонистами от армии(6)
29.0317:51Уроженка Таджикистана победила в конкурсе красоты в Харькове(3)
29.0311:25Вице-президент Афганистана Абдул Рашид Дустум находится под домашним арестом из-за скандала с изнасилованием(2)
29.0314:22Таджикский продюсер Бехруз Зеваров снял клип на свою новую песню(1)



(C) 2001-2017 TopTJ.com

TopTJ.com - Новости Таджикистана
00:00:00