Авторизация
 
 
Регистрация на сайте
Восстановление пароля


Новостные каналы


Skip Navigation LinksTopTJ.com  →  Новости Таджикистана  → 

Лента новостей

08.05.200807:31

Табрикоти Президенти Ҷумҳурии Тоҷикистон Эмомалӣ Раҳмон

Табрикоти Президенти Ҷумҳурии Тоҷикистон Эмомалӣ Раҳмон ба муносибати 63-юмин солгарди Рўзи Ғалаба бар фашизми гитлерӣ

Ҳамватанони азиз!

Мўҳтарам собиқадорони Ҷанги Бузурги Ватанӣ!

Шуморо ба муносибати 63-юмин солгарди Рўзи Ғалаба бар хатарноктарин душмани аҳли башар – фашизми гитлерӣ табрику муборакбод менамоям.

Дар таърихи инсоният санаҳое ҳастанд, ки бо гузашти солҳо аҳамият ва бузургии онҳо боз ҳам бештар аён мегарданд.

Рўзи Ғалаба ҳам дар радифи ҳамин гуна санаҳои фаромўшнашуданӣ мақом дорад.

Он барои тамоми инсоният, аз ҷумла мо, тоҷикистониён низ азиз ва гиромӣ аст.

Рўзи Ғалаба рамзи ватандўстӣ, фидокорӣ, иттиҳод ва рўҳи шикастнопазири халқҳои мост. Ҳамасола таҷлил намудани Рўзи Ғалаба, поси хотири ҳалокшудагон, қадрдонии родмардони набардҳои шадид ва заҳмати бекарони онҳое, ки дар ақибгоҳ дар шикасти адў саҳм мегирифтанд, худ анъанаи нек ва сабақи ибратомўз барои наслҳои имрўза аст. Дар баробари ин Рўзи Ғалаба моро ҳушдор медиҳад, ки сулҳу амният, тинҷию осудагӣ неъмати бебаҳоянд ва мо барои ҳифзи онҳо бояд ҳамеша омода бошем. Дар шароити кунунӣ, ки ба инсоният хатарҳои глобалӣ ба мисли терроризм ва экстремизми байналмилалӣ таҳдид мекунанд, ин масъала аҳамияти хоса касб менамояд.

Ва чунонки халқҳои ҷаҳон дар муттафиқӣ бар нерўи аҳримании фашизм пирўз шуданд, ин хатарҳоро низ дар якҷоягӣ ва ҳамкории васеъ метавон аз байн бурд.

Имрўз комилан мусаллам аст: бе муттаҳидӣ ва ҳамдигарфаҳмӣ инсоният пеш рафта наметавонад. Тимсоли ин гуна дўстӣ ва садоқатро мо дар мисоли падарон ва бобоёни шуҷоатманди худ мебинем, ки ба шарофати корнамоиҳо ба хотири Ватан дар ёди наслҳои оянда абадан мемонанд. Торумор гардидани Германияи фашистӣ намунаи олии дўстӣ, якдилӣ ва хизмати таърихии тамоми халқу миллатҳои собиқ Иттиҳоди Шўравӣ мебошад. Тақрибан 100 ҳазор ҷавонмарди тоҷик дар арсаи ҷанг қаҳрамонона шаҳид гаштанд. Мо дар назди хотираи неки онҳо сари таъзим фуруд меорем ва бо зикри хайр номи онҳоро зинда медорем.

Имрўз ба тамоми собиқадорон ҷанг, ки баъд аз Ғалаба ҳам дар ҳаёти ҷомеа фаъолона ширкат намуда, ҳоло давлати пирӣ меронанд, изҳори сипоси бепоён менамоем. Сарбаландӣ ва рўҳи пойдори онҳо ба мисли қуллаҳои осмонбўси Тоҷикистони азизи мост.

Бори дигар ҳамаи шуморо бо Рўзи Ғалабаи бузург табрик ва муборакбод намуда, ба ҳамаатон тансиҳатӣ, рўзгори обод ва саодати ҷовидон орзумандам.

Источник: ИА "ХОВАР"
0.0
- всего оценок (0)
- ваша оценка


Новый комментарий
Автор Сообщение
Данную новость еще не обсуждали

Обсуждение в Facebook:




Главные новости

07.1211:04В Таджикистане запрещено оказание услуг почтовой связи без лицензии
07.1210:36В Москве и Подмосковье задержаны 25 подозреваемых в экстремизме
07.1210:26Сложная конъюнктура для ведения бизнеса в Таджикистане ограничила поток инвестиций
07.1210:10Новый президент США будет жить за проволокой (фото)
07.1209:26Чудо под Москвой


Самое обсуждаемое

05.1211:34Таджикистан перейдет на 12-летнее образование в 2020 году(6)
07.1207:59Власти Таджикистана планируют в два раза сократить уровень бедности(3)
05.1219:14Путин озадачил правительство законом об адаптации мигрантов(1)
06.1209:18Эмомали Рахмон обратится с посланием парламенту Таджикистана до нового года(1)



(C) 2001-2016 TopTJ.com

TopTJ.com - Новости Таджикистана
00:00:00