Авторизация
 
 
Регистрация на сайте
Восстановление пароля


Новостные каналы


Skip Navigation LinksTopTJ.com  →  Новости Таджикистана  → 

Лента новостей

14.08.200818:11

Мулокоти Эмомалӣ Раҳмон бо Ларс Тюнелл ва Мишел Мордасини

Президенти Ҷумҳурии Тоҷикистон Эмомалӣ Раҳмон Рохбари Корпоратсияи Байналмилалии Молиявӣ Ларс Тюнелл ва Директори иҷрокунандаи гурўҳи Бонки умумиҷаҳонӣ оид ба Тоҷикистон Мишел Мордасиниро ба ҳузур пазируфт.

Дар мулоқот масоили ҳамкории имрўза ва дурнамои муносибатҳои Тоҷикистон бо ин созмонҳои бонуфузи ҷаҳонӣ баррасӣ шуд.

Ҷонибҳо дар бораи ҳамкории судманд дар беҳтарнамоии сиёсати пулию қарзӣ ва фазои инвеститсионӣ, сармоягузории мустақим ба иқтисодиёти Тоҷикистон, дастгирии соҳибкории хурду миёнаи хусусӣ ва иштирок дар рушди соҳаи энергетика гуфтугўйи судманд анҷом доданд.

Зикр гардид, ки аз соли 1994 то имрўз бо мувофиқати Корпоратсияи Байналмилалии Молиявӣ барномаю лоиҳаҳои зиёд, аз ҷумла дар афзунсозии қобилияти қарздиҳии бонкҳои саҳҳомии Тоҷикистон, дастгирии бевоситаи соҳибкории хурду миёнаи хусусӣ, ҷорӣ намудани механизмҳои лизинг ва қарзи ипотекӣ, сармоягузорӣ ба соҳаҳои гидроэнергетикава кишоварзӣ корҳои муҳим амалӣ гаштаанд. Дар 14 соли ҳамкорӣ бо розигии Корпоратсияи Байналмилалии Молиявӣ ба Тоҷикистон 55 миллион доллари амрикоӣ инвеститсия равона шудааст, ки 17 миллиони он танҳо ба соли 2007 рост омада, аз афзоиши сармоягузорӣ гувоҳӣ медиҳад.

Сарвари давлат Эмомалӣ Раҳмон чунин ҳаҷми маблағгузорӣ ва иштироки Корпоратсияи Байналмилалии Молиявиро дар дастгирии рушди иқтисодиёти Тоҷикистон нокифоя номида, таъкид дошт, ки имкону захираҳо барои афзун намудани ин нишондодҳо хеле зиёданд.

Ларс Тюнелл изҳор дошт, ки Корпоратсияи Байналмилалии Молиявӣ ва Бонки умумиҷаҳонӣ минбаъд рушди иқтисодиёти Тоҷикистонро бештар дастгирӣ намуда, дар бартараф кардани мушкилоти соҳаҳои кишоварзӣ, аз ҷумла ҳаллу фасли қарзҳои хоҷагиҳои пахтакор, мусоидат ба афзоиши хазинаи қарзии бонкҳои саҳҳомӣ ва хусусан дар азхудкунии имконоти фаровоини гидроэнергетикӣ иштироки фаъол хоҳанд дошт. Ҳамин нуктаро ҳамчунинДиректори иҷрокунандаи гурўҳи Бонки умумиҷаҳонӣ оид ба Тоҷикистон Мишел Мордасини таъкид намуд.

Ба андешаи онҳо сохтмони нерўгоҳҳои обии нави Тоҷикистон, хатҳои баландшиддати минтақавии интиқоли нерўи барқ ва бисёр дигар лоиҳаҳои ҳаётан муҳим, ки дар татбиқи онҳо Бонки умумиҷаҳонӣва Корпоратсияи Байналмилалии Молиявӣ иштироки фаъол хоҳанд дошт, ба афзоиши сармоягузории онҳо ба иқтисодиёти Тоҷикистон ва минтақаҳои Осиёи Марказӣ ва Осиёи Ҷанубӣ боис мешавад.

Зимни гуфтугўйи судбахш нишондодҳои муътадили рушди иҷтимоию иқтисодии Тоҷикистон, беҳтаршавии фазои инвеститсионӣ, бартарафгардии монеаҳои инкишофи соҳибкорӣ, аз ҷумла эълон шудани мораторий дар бораи манъи дусолаи санҷишҳо аз омилҳои умедбахши пешрафти иқтисодиёти кишвар маънидод гардид.

Источник: ИА "ХОВАР"
0.0
- всего оценок (0)
- ваша оценка


Новый комментарий
Автор Сообщение
Данную новость еще не обсуждали

Обсуждение в Facebook:




Главные новости

18.1017:19Внуки Джаббора Расулова намерены подать в суд на мэрию Душанбе
18.1017:05В Худжанде известного кардиохирурга обвиняют в связях с салафитами
18.1016:00В Китае представлен “гигантский рис” высотой в два метра
18.1014:40В Таджикистане поставили на учет всех геев и лесбиянок
18.1013:42Кадыров: Мне трудно понять людей, которые не побывали в Самарканде и Бухаре


Самое обсуждаемое

16.1016:46Из парка имени Айни тайно убрали прах известных людей(3)
16.1016:10«Ночные волки» приехали в Душанбе(2)
17.1016:12Власти отказываются комментировать вопрос перезахоронения известных личностей(1)



(C) 2001-2017 TopTJ.com

TopTJ.com - Новости Таджикистана
00:00:00