Авторизация
 
 
Регистрация на сайте
Восстановление пароля


Новостные каналы

Item has already been added. Key in dictionary: '

]]>

]]>
Пн Вт Ср Чт Пт Сб Вс
    ' Key being added: '
    ]]>

    ]]>
    Пн Вт Ср Чт Пт Сб Вс
    '


    Skip Navigation LinksTopTJ.com  →  Новости Таджикистана  → 

    Лента новостей, Общество

    15.09.201413:54

    Боздиди Р.Асадуллин аз ДДОТ

    Душанбе, 15.09.2014. (АМИТ «Ховар», Раъно Нусратуллозода).-Раил Асадуллин, профессор, ректори Донишгоҳи давлатии омӯзгории Бошқирдистон ба номи М.Акмулло 10-уми сентябри соли ҷорӣ зимни боздид аз Донишгоҳи давлатии омӯзгории Тоҷикистон ба номи С.Айнӣ бо ректор Абдуҷаббор Раҳмонов мулоқот намуд. 

    Тавре ки котиби матбуоти донишгоҳ Бахтиёри Абдураҳим иттилоъ дод, зимни суҳбат Абдуҷаббор Раҳмонов  изҳор дошт, ки ҳарчанд равобит миёни ду мактаби олии омӯзгорӣ ба тозагӣ ба роҳ монда шудааст, хурсандибахш аст, ки он дар муддати кӯтоҳ тақвият ёфт. Итминони комил ҳаст, ки дар ҷодаҳои мухталиф шартномаҳои ҳамкорӣ ба тасвиб мерасанд ва миёни омӯзгорон табодули таҷриба сурат мегирад.

    Р.Асадуллин ба роҳбарияти донишгоҳ барои даъват ва пазироии самимӣ арзи сипос намуда, зикр кард, ки чун фаъолияти ҳар ду таълимгоҳ ба як самт равона мебошад, мо бояд дар бахшҳои гуногун созишномаҳо ба тавсиб расонем. Р.Асадуллин аз сафари кории А.Раҳмонов ба донишгоҳашон ёдовар шуда, изҳор дошт, ки он замон доир ба барқарорнамоии равобити ҳасана гуфтугӯ сурат гирифта буд. Ба қавли мавсуф, ташаббускори аслии ҳамкориҳои дуҷониба ректор А.Раҳмонов мебошад, ки шахси ниҳоят таҷрибадор ва донишманд аст.

    Ҳамчунин профессор Р.Асадуллин аз бинои нави таълимӣ, Маркази педагогикаи миллӣ, Маркази амалинамоии лоиҳаи «Таҳкими равиши педагогӣ», Маркази русӣ, китобхонаи электронӣ, Хазинаи тиллоӣ, толори гимнастика ва толори фарҳангӣ дидан намуд. Зимни шиносоӣ бо синфхонаи дӯзандагӣ, ки дар факултаи технология ва соҳибкорӣ ҷойгир аст, Р.Асадуллинро ҳунари дастони донишҷӯён ба ҳайрат овард. Ӯ бо ишора ба ашёи аз ҷониби муҳассилин дӯхташуда, ки ба маърази намоиш гузошта шуда буд, изҳор дошт, ки воқеан ҳам, ин ҷо макони илму ҳунар ва эҷод мебошад. 

    Дар факултаи забони англисӣ донишомӯзон меҳмонро бо забонҳои англисӣ, чинӣ ва кореягӣ хайрамақдам гуфтанд. Ректори Донишгоҳи Бошқирдистон сатҳи забондонӣ, усули таълим ва шароити тадрисро ситоиш  карда, изҳор дошт, ки донишҷӯён имкон доранддар таълимгоҳи онҳо идомаи таҳсил намоянд. Синфхонаҳои лингафонӣ, ки бо технологияҳои муосир ҷиҳозонида шудаанд ва навиштаҷоти шоирони бузург бо забонҳои мухталиф раванди омӯзиши забонро осон мегардонад. Муҳимтар аз ҳама, омӯзгорон аз хориҷи мамлакат барои тадрис омадаанд, ки ин метавон гуфт, барои беҳтар шудани сифати таълим мусоидат мекунад. 

    Р.Асадуллин дар маҷмӯъ шароити таҳсил, ҷараёни омӯзиш ва одоби донишҷӯёнро дар сатҳи ниҳоят баланд арзёбӣ намуд.

    Дар фарҷоми ҳамоиш Р.Асадуллин А.Раҳмоновро барои густариши ҳамкориҳои мутақобилан судманд аз номи ҳайати омӯзгорони таълимгоҳашон бо нишони тиллоӣ ва дигар туҳфаҳои хотиравӣ сарфароз гардонид.

    Источник: ИА "ХОВАР"
    0.0
    - всего оценок (0)
    - ваша оценка


    Новый комментарий
    Автор Сообщение
    Данную новость еще не обсуждали

    Обсуждение в Facebook:




    Главные новости

    18.0809:45Мелкий скот в Таджикистане подорожал
    18.0809:04В Таджикистане сносят дома рядом с военным аэродромом Айни. ВИДЕО
    18.0808:33Первые признаки кризиса в финансовом секторе Таджикистана были очевидны еще в 2013 году, — ВБ
    18.0808:32Какие пытки популярны в «застенках» МВД Таджикистана?
    18.0808:08На севере Таджикистана пресечена контрабанда трансформатора


    Самое обсуждаемое

    16.0819:11"Я согласна снимать хиджаб, если..."(6)
    17.0819:24Фильм о поддержке Ираном террористов в Таджикистане перевели на четыре языка(2)
    16.0816:27«Андешаи пок»: уникальная школа для первоклашек(1)



    (C) 2001-2017 TopTJ.com

    TopTJ.com - Новости Таджикистана
    00:00:00.0468775