Душанбе, 11 июн. (АМИТ «Ховар», Мавзуна Бойева). – Дар доираи лоиҳаи Созишномае, ки байни Ҳукумати Ҷумҳурии Тоҷикистон ва Бонки Осиёгии Рушд дар мавриди беҳтар намудани роҳи минтақавии байни Ҷумҳуриҳои Тоҷикистон ва Қирғизистон 3 ноябри соли 2007 имзо шуда буд, аллакайтайёр намудани асосноккунии тадбирҳои техникӣ-иқтисодӣ дар Фазаи III ба анҷом расиданд.
Тавре дар Вазорати нақлиёт ва коммуникатсия ба мухбири АМИТ «Ховар» хабар доданд, маблағи умумии лоиҳа 76,6 миллион доллари ИМА, аз ҷумла Бонки Осиёгии Рушд -53,4 миллион доллари ИМА (қарз – 40,9 миллион ва грант – 12,5 миллион доллари ИМА) ва ҳиссаи Ҳукумати Ҷумҳурии Тоҷикистон -23,2 миллион доллари ИМА –ро ташкил мекунад.
Вазорати нақлиёт ва коммуникатсия барои интихоби беҳтарин пудратчӣ 2 майи соли 2008 озмун эълон карда буд, ки дар он 4 ширкати байналхалқӣ ва1 ширкати маҳаллӣ иштирок намуда буданд.