Иштироки намояндагони ФФТ дар семинари ФИФА

Душанбе, 01.09.2014. (АМИТ «Ховар»). – Аз 31 август то 2 сентябр дар пойтахти Шри - Ланка шаҳри Коломбо семинари минтақавии ФИФА оид ба рушди футбол баргузор мегардад, ки дар он роҳбарони федератсияҳои футболи кишварҳои Осиёи Ҷанубию Марказӣ ширкат доранд.

Назар ба иттилои Федератсияи футболи Тоҷикистон, дар семинар аз кишвари мо дабири кулли Федератсияи футболи Тоҷикистон Ислом Маҳмадшоев ва директори техникии ФФТ Шавкат Аҳмедов ширкат доранд.

Дар семинар ҳамчунин роҳбарони федератсияҳои футболи Афғонистон, Бангладеш, Бутон, Ҳиндустон, Қирғизистон, Малдив, Непал, Покистон, Шри – Ланка, Туркманистон ва Покистон ҳозиранд.