Сафири Тоҷикистон бо Директори департаменти робитаҳои давлатӣ ва байналмилалии ширкати Caterpillar мулоқот намуд

ДУШАНБЕ, 18.06.2026 /АМИТ «Ховар»/. Сафири Фавқулода ва Мухтори Ҷумҳурии Тоҷикистон дар Иёлоти Муттаҳидаи Амрико Завқӣ Завқизода бо Директори департаменти робитаҳои давлатӣ ва байналмилалии ширкати Caterpillar Кэти Ҳейс мулоқот намуд.

Тавре ба АМИТ «Ховар» аз Сафорати Ҷумҳурии Тоҷикистон дар Иёлоти Муттаҳидаи Амрико хабар доданд, Завқӣ Завқизода иқтидор ва имкониятҳои мавҷудаи Ҷумҳурии Тоҷикистонро дар инфрасохтори соҳаҳои энергетика, саноат, нақлиёт ва истихроҷи маъдан муаррифӣ намуд.

Аз роҳбарияти ширкати Caterpillar даъват ба амал оварда шуд, ки фаъолияти худро дар Тоҷикистон дар самти техникаи сохтмонӣ ва лоиҳаҳои инфрасохторӣ бо истифода аз технологияҳои муосир ва таҷрибаи густурдаи худ васеъ намояд.

АКС: Сафорати Ҷумҳурии Тоҷикистон дар Иёлоти Муттаҳидаи Амрико