Ҷамолиддин Абдуллозода дар маросими хатми Донишгоҳи тиббӣ иштирок ва суханронӣ кард

Автор: admin

Тибқи иттилои манбаъ, 25 июн дар Донишгоҳи давлатии тиббии Тоҷикистон ба номи Абуалӣ ибни Сино маросими хатми 2107 нафар донишҷӯён баргузор шуд. Дар ин чорабинӣ вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода, ректори донишгоҳ Нуриддин Муҳиддин, профессорон, хатмкунандагон ва волидайни онҳо ширкат варзиданд.

Ҷамолиддин Абдуллозода дар суханронии худ хатмкунандагонро табрик намуда, таъкид кард, ки давраи донишҷӯӣ марҳилаи муҳими ҳаёт аст ва онҳо бо муваффақият аз ин санҷиш гузашта, ба фаъолияти мустақили касбӣ роҳ кушодаанд. Вай ба табибони ҷавон дар корҳои ояндаашон комёбӣ таманно кард.

Дар маросим қайд гардид, ки хатмкардагони ин донишгоҳ на танҳо дар Тоҷикистон, балки дар кишварҳои хориҷӣ низ заминаи кадрии устувор барои муассисаҳои тиббӣ мебошанд. Маълум шуд, ки соли 2026 донишгоҳ 2107 нафарро хатм мекунад, ки 378 нафарашон шаҳрвандони хориҷӣ мебошанд. Ба хатмкунандагони фаъол Дипломи аъло супурда шуд.